الأسباب الحقيقية للطلاق

الأسباب الحقيقية للطلاق
أولا كلنا عارفين ان عملية الطلاق بتتم لان مافيش قدرة على ان حد يكمل مع شريك حياتة وخلاص الحياة جابت اخرها ومش عارفين يتاقلموا ولا طايقين بعض ولا فية تفاهم

وللمعلومة كل اسباب الطلاق اللى بتسمعها مش هيا الحقيقة خالص اسباب الطلاق اسباب تافهة ولكن الزوجين ماعندهمش الجرأة ولا القدرة على انهم يصارحوا نفسهم بيها وبتبدا تلاقى اسباب تانية مببرات للطلاق

..هتقولى مش فاهم ولا كلمة ..
اقولك عارف... اسمع بقى هنتكلم الاول من غير احراج ولا حياء فى العلم

أثبتت الدراسات ان الاستقرار الجنسى والعاطفى حوالى 75 % من السعادة الزوجية

تعالى نشوف اية بيحصل بقى فى الواقع ..( هنتكلم مرة عن المرأة و الرجل ) مع العلم ان الكلام بعيدا عن الرجالة اللى عينها زايغة والستات اللى مش بيملا عينها حاجة...احنا بنتكلم عن الناس العادية الكويسة


أولا لازم نعترف ان اى واحد فى الدنيا مش بيلاقى الحاجة فى بيتة بيبدا يدور عليها برة ....أمثلة :

* الراجل اول مابيخطب بيشوف الاحمر والاخضر والشياكة والدلع والحب والذى منة وبعد الجواز يخش يلاقيها رابطة راسها وماسكة المساحة ومتعاصة طماطم وبصل واحتمال يكون الاكل كمان لسة ماخلصش وتوصف المرأة ساعتها بوصف ( ستات المحشى ) والعوض على الله فى الانوثة .

* فى الخطوبة تلاقى خطيبتة لو بيتغدى عندهم تاكلة بايديها وكل ياحبيبى وتبقى طابخة الاكل ولا اجدعها شيف او طباخ وبعد الجواز تلاقى الاكل بقى اى كلام وتبصلك بصة كل يلا بالسم الهارى علشان تخش تتخمد وتصحى تروح الشغل

* اول ايام الجواز دلع وحب وانا ماليش غيرك ياحبيبتى وبعد الجواز بفترة تلاقيها بقت من بوسة بق/ بقت بوسة خد /وبعدين بقت بوسة على القورة /وبعدين بقت لا اله الا الله وبعدين مافيش حاجة خالص.

* ايام الخطوبة لما بيزورهم بيبقى نفسة يقعد للفجر معاها ومش قادر يروح حتى فى حتة وبعد الجواز بيكرة اليوم اللى يرجع فية البيت

*بعد الجواز تلاقى العيال جت وربنا كرمك بعيل او عيلين هاتى تيجى تدلعها تقولك عيب احنا كبرنا على الحاجات دى والعيال واقفة وبتاع يبدا يتخنق بقى ويشوف حد يدلعة من برة

* الراجل محسسك انة قرفان ياولداة والدنيا على دماغة يرجع م الشغل ينام ويصحى ياكل ويروح الشغل والست قاعدة بين اربع حيطان..قال يعنى كان مشغول اكتر من النبى.

*ايام الخطوبة تفسحها احلى فسح وبعد الجواز مش فاضى مش هعرف اخد اجازة م الشغل ...الخ الخ

المسئولية عن الحياة الزوجية شريك فيها كل من الرجل والمرأة
لية الراجل مايحسسش المراة بانوثتها ويبقى الخطوبة زى الجواز تمام وماتقوليش ضغوط الحياة الرسول كان بيحارب ومتجوز اكتر من وحدة ومسئول عن بشر بحالها وكان بيدلع ويجامل وكل حاجة علية افضل الصلاة والسلام

ولية الست ماتبقاش طباخة شاطرة وشيك فى نفس الوقت وتهتم بنظهرها والراجل مايبقاش قاعد طول النهار بالملابس الداخلية

ولية تبقى الحياة كلها اكل وشرب وتربية عيال وشكرا على كدة..روتين يومى

طبعا فية أسباب تانية كتيييييييييييييييير بس دول حبة منهم

فتلاقى الراجل لا حاسس برجولتة ولا الست حاسة بانوثتها فكل واحد بقى يشوف مصالحة
وهذا كلة يتم عن طريق

الطـــــــــــــــــــلاق